E këto manastire, temë diskutimi u bën sërish.
Kjo pasi një revistë franceze që merret me turizëm, në udhërrëfyesin e saj, e paraqiti Kosovën si vend të lindjes së manastireve ortodokse.
Ky shkrim, ka nxitur reagimin e shtetit të Kosovës.
Ministrja e tregtisë, Rozeta Hajdari, tha se kanë iniciuar padi kundër kësaj shtëpie botuese.
“Inicimi i padisë kundër Shtëpisë Botuese “Petit Fute” është bërë për arsye se e njëjta ka kryer veprime të kundërligjshme dhe të dëmshme për historinë dhe imazhin e Republikës së Kosovës, duke shkelur marrëveshjen e lidhur me Agjencinë për Investime dhe Përkrahje të Ndërmarrjeve-KIESA duke mos publikuar materialin promovues të turizmit të dërguar nga KIESA, por ka publikuar një material që është kundërshtuar në vazhdimësi dhe ka bërë publikimin pa pasur miratim nga KIESA”, ka thënë ministrja Hajdari.
Ajo po ashtu ka thënë se kjo reviste nuk ka ndërmarrë asnjë veprim për largimin e shkrimit nga katalogu i tyre.
Më këtë cilësim, nuk po pajtohen as në lidhjen e historianëve të Kosovës “Ali Hadri”
Selim Lokaj, kryetar nderi i kësaj lidhjeje ka thënë se shpreson që shteti i Kosovës, mos t’i ketë vetëm fjalë paralajmërimet për padi.
Televizioni ka kërkuar sqarim për këtë çështje edhe nga revista franceze por këta nuk kanë kthyer përgjigje.
Në lidhje me shkrimet e kësaj reviste francez, ka reaguar edhe opozita në vend.
Këta kanë kërkuar dorëheqjen e ministres Hajdari, me pretekstin se shkrimi është sponsorizuar nga vet dikasteri i udhëhequr nga Hajdari, gjë që është përgënjeshtruar nga Ministria e Industrisë, Ndërmarrësisë dhe Tregtisë.
Kronika e gazetarit Fidan Zejnullahu.
