Kosova i është bashkuar Mbretërisë së Bashkuar dhe Shqipërisë në Taskforcën e Përbashkët të Emigracionit.
Kjo është bërë e ditur përmes një postim në Facebook nga ambasada e Mbretërisë së Bashkuar në Tiranë, ku thuhet se Kosova, Mbretëria e Bashkuar dhe Shqipëria po përballen me sfida të përbashkta të emigracionit të paligjshëm dhe sigurisë kufitare.
“Mbretëria e Bashkuar, Shqipëria dhe Kosova përballen me sfida të përbashkta të emigracionit të paligjshëm dhe sigurisë kufitare. Kjo ishte arsyeja përse Kosova iu bashkua Taskforcës së Përbashkët të Emigracionit, e cila ndihmoi në reduktimin e kalimeve të barkave të vogla në Mbretërinë e Bashkuar me 94%, vitin e kaluar. Ne jemi te gatshëm të punojmë së bashku”, thuhet në njoftim.