Në shënimin e 15-vjetorit të Pavarësisë së Kosovës, institucionet e vendit pritet të mbajnë disa aktivitete, raporton teve1.info
Sipas komunikatës për medie, për nder të shpalljes së Pavarësisë, Qeveria e vendit pritet të mbaj mbledhje festive.
Udhëheqësit shtetëror në nderim të kësaj dite do të ngritin solemnisht Flamurin e Republikës së Kosovës.
Po ashtu, sipas njoftimit të Qeverisë, do të bëhen nderime te Monumenti i të Pagjeturve në Prishtinë, homazhe te varri i ish Presidentit Dr. Ibrahim Rugova, homazhe te varri i veprimtarit Adem Demaçi, homazhe në Kompleksin Memorial “Adem Jashari” ne Prekaz e aktivitete tjera.
Ndërkohë, me seancë solemne, 17 Shkurtin pritet ta shënoj edhe institucioni ku u lexua Deklarata e Pavarësisë së Kosovës.
Kuvendi i Kosovës pritet të mblidhet në Seancë Solemne me fillim nga ora 11:00.
Krerët shtetëror pritet të bëjnë nderime edhe tek Monumenti i Policëve të rënë në detyrë, tek Monumenti “Heroinat”.
Ndërsa, në mesditë do të mbahet organizimi tradicional-Parakalimi i Trupave të Forcës të Sigurisë së Kosovës dhe Policisë së Kosovës në kryeqytet.
