Instituti Kanadez i Teknologjisë, ka mbajtur në Prishtinë një konferencë për “Teknologjinë e Informacionit, Inovacionit dhe Ekonomisë”.
Aty u theksua nevoja e orientimit të arsimit kah nevojat e tregut, dhe po ashtu rëndësia e bashkëpunimit mes Kosovës dhe Shqipërisë në fushën e teknologjisë.
Nga Shqipëria në Kosovë, kjo konferencë si qëllim pati edhe shkëmbimin e eksperiencave sa i përket fushës së teknologjisë.
Instituti Kanadez i Teknologjisë, këtë konferencë e mbajti edhe në kuadër të bashkëpunimit me Universitetin “Kadri Zeka”, nga ku u potencua se arsimimi duhet të fokusohet tek nevojat e tregut.
Të pranishëm, pati edhe përfaqësues nga qeveria, ku zëvendësministri i Ekonomisë, Getoar Mjeku, theksoi rëndësinë e konferencave të tilla bazuar në hovin e zhvillimit teknologjik.
Kjo është konferenca e dytë që ky Institut organizon në kuadër të fushës së teknologjisë.
