Për të diskutuar në lidhje me këtë bashkëpunim, presidentja e Kosovë, Vjosa Osmani, priti të enjten në takim, presidenten e Komisionit Evropian, Ursula von der Leyen.
Pas takimit e para e Komisionit Evropian, përsëriti qëndrimin që Kosova duhet të marrë liberalizmin e vizave.
“Kemi rikonfirmuar që i keni plotësuar të gjitha kriteret, detyra jonë është tani të bindim tërë Këshillin Evropian, shumica nga ta janë në anën tuaj, është shumë mirë që këto diskutime kanë filluar, kemi punuar me presidencën çeke shumë, kërkohen shumë përpjekje diplomatike dhe sqarime, mirëpo mund të llogarisni në mua personalisht, tek ne në komision, sepse do të bëjmë gjithçka të ju ndihmojmë rrugëtimin tuaj, duke e ditur që po bëni punë mbresëlënëse”, u shpreh ajo.
E presidentja Osmani, në këtë konferencë kërkoi që liberalizimi të ndodh sa më parë dhe pa kushte shtesë. Ndërsa sa i përket çështjes së targave ilegale në veri, ajo tha se këtë proces po e pengojnë strukturat kriminale në komunat veriore.
“Mbi 90% e serbëve tashmë i përdorin targat legale në Republikën e Kosovës, është dëshmi që ky veprim nuk është kundër qytetarëve serbë. Ajo pakicë që akoma nuk i ka konvertuar është për shkak të kërcënimeve të vazhdueshme përfshirë me djegie veturash e shtëpisë që po ua bëjnë strukturat ilegale, kriminale. Lufta jonë është luftë kundër bandave. Në luftën tonë kundër bandave, në luftën tonë për sundim të ligjit ne presim që të kemi përkrahjen e vazhdueshme të aleatëve tonë edhe në Bashkimin Evropian edhe në Shtetet e Bashkuara të Amerikës”,deklaroi Osmani.
Në mesin e shumë çështjeve që u folën në këtë adresim, Ursula von der Leyen premtoi një grant prej 75 milion euro për të mbështetur menjëherë bizneset dhe ekonomitë familjare.
Nga këtu, presidentja e Komisionit, takoi edhe kryeministrin e vendit Albin Kurtin, e që në bazë të një komunikate të qeverisë, thuhet se Kurti e njoftojë mysafiren që Kosova para fundit të vitit do të aplikojë për anëtarësim në Bashkimin Evropian.
Kronika e gazetarit Valmi Gallopeni.