Ministri i Brendshëm i Shqipërisë, Taulant Balla, dhe homologu i tij, Xhelal Sveçla janë takuar në Vlorë, ku kanë parë nga afër një hotel të konfiskuar, i cili do të kthehet në një hotel pushimi dhe trajnimi të përbashkët për punonjësit e policisë së Shqipërisë dhe Kosovës.
Përmes një postimi në Facebook, Balla ka bërë të ditur se bashkë me ministrin Sveçla, do të investojnë që të kenë një hotel pushimi dhe trajnimi për forcat e policisë së dy vendeve.
“Kemi marrë vendimin që pasuritë e konfiskuara në luftën kundër krimit dhe korrupsionit të vendosen në përdorim të institucioneve shtetërore. Bashkë me Ministrin e Brendshëm të Kosovës Xhelal Sveçla ishim në Vlorë ku shumë shpejt do të kemi një shtëpi të madhe pushimi dhe trajnimi për forcat e policisë”,ka shkruar Balla./teve1.info/
