Kryeshefi Ekzekutiv i Inspektoratit të Policisë së Kosovës, Kushtrim Hodaj dhe Drejtori i Përgjithshëm i Inspektoratit Gjeneral të Sigurisë çeke, Radim Dragoun, kanë paralajmëruar një marrëveshje bashkëpunimi me qëllim shkëmbimin e informacioneve dhe trajnimeve e në fushën e sigurisë, raporton teve1.info
Sipas komunikatës së Inspektoratit të Policisë së Kosovës, këto takime u zhvilluan gjatë vizitës zyrtare të një delegacioni të IPK-së në Pragë të Çekisë.
“Palët u pajtuan për konkretizimin e bashkëpunimit përmes nënshkrimit të një memorandumi të bashkëpunimit, përmes te cilit parashikohen, përveç shkëmbimit të informacioneve edhe aktivitet të përbashkëta si trajnime, shkëmbim të ekspertëve dhe specialistëve si dhe organizmin e seminareve dhe konferencave të përbashkëta.
Drejtori Inspektoratit Gjeneral të Çekisë të mirëpriti ftesën e Kryeshefit të IPK-së për vizituar Kosovën, vizitë në të cilën do të nënshkruhet marrëveshja mes dy institucioneve”, thuhet në komunikatën për medie.
Dy krerët e institucioneve vlerësuan nevojën e thellimit të bashkëpunimit dhe shkëmbimit të informacioneve dhe praktikave të mira në fushën e mbikëqyrjes policore dhe në veçanti parandalimin, zbulimin dhe hetimin e veprave penale.
