Por, pavarësisht që shteti serb nuk po e respekton këtë marrëveshje, në Kosovë, nuk pati as edhe një reagim të vetëm nga krerët e shtetit.
Tëvë1 ka kërkuar një qëndrim nga Qeveria e Kosovës.
Por, të njëjtit të enjten nuk kanë qenë të gatshëm për prononcim.
Kjo heshtje nga institucionet e Kosovës, po konsiderohet si e pakuptimtë nga njohësit e çështjeve politike.
“Është alarmante se si nuk po reagojnë, kur edhe ju e treguat informatën në mënyrë shumë të shkurtë dhe të saktë është e pakuptimtë, si gjithë ajo zhurmë u bë për targa”, tha analisti, Dritëro Arifi.
Arifi thotë se qeveria duhet ta publikojë marrëveshjen e arritur në Bruksel.
“Qeveria duhet ta publikojë marrëveshjen, të mos ketë turp, pra ashtu sic është shkruar dhe e dyta duhet të bëj presion të BE-ja..”, ka thënë ai.
Në lidhje me mos-respektimin e marrëveshjes nga ana e shtetit serb, televizioni ka dërguar pyetje edhe në zyrën e Bashkimit Evropian.
Por, as këta nuk kanë kthyer përgjigje.
Kronikë e realizuar nga gazetari, Fidan Zejnullahu
Lexo edhe:
https://teve1.info/lajmet/rashka-vazhdon-te-leshoje-targa-ilegale/
