Për këtë ka reaguar koreografi, Robert Nuha i cili ka thënë se më këtë deklaratë ministri ka fyer shkollimin e gjithë koreografëve të Kosovës.
Nuha në Facebook tha se kjo është e papranueshme nga ana e koreografëve dhe sipas tij këtë deklaratë ministri e ka bërë ose nga mos informimi ose siç tha ai prej vendimit jo të përshtatshem, duke zgjedhë një KLARINETIST në drejtimin e Baletit Kombëtar tê Kosovës.
“Z. Hajrulla Çeku ministri i Kulturës së Republikës së Kosovës, del në media me një prononcim të papranueshëm nga ana jonë si Koreograf e artist të këtij vendi duke folur dhe duke zh’bërë me kaq lehtësi shkollimin tonë të lartë universitar, gjithsesi ne nuk po e dijmë a e ka bërë këtë prej mos informimit apo prej vendimit jo të përshtatshem, duke zgjedhë një KLARINETIST në drejtimin e Baletit Kombëtar tê Kosovës, Ministri shprehet se në Kosovë nuk ka kuadro me shkollim të lartë në fushën e koreografisë! “, ka shkruar Nuha.
Sipas tij Kosova ka koreograf të dëshmuar e të shkolluar profesionalisht, ai përmendi edhe drejtorin e BKK-së i cili sipas tij kishte zhvlerësuar Akademinë e Arteve në Tiranë duke e quajtur atë komuniste.
“Dua t’i bëjë me dije ministrit që në Kosovë ka mjaftueshëm Koreograf të dëshmuar e me shkollimin adekuat të Koreografisë në programet e studimit Bachelor dhe Master në Universitetin e Arteve në Tiranë, diplomën e të cilit kam nderin ta kem edhe unë , krahas kolegëve të nderuar Xhemajli Berisha, Dilaver Kryeziu, Haki Mulliqi, Driton Saqipi, Labinot Rexhepi, Luljeta Braha, Rreze Qerreti, Tringa Shala, Erëza Xheladini, Prek Memaj, Besnik Grajqevci, Mehmet Xhemajli, Krenare Daka.(sa për t’ua rikujtu qe drejtori i juaj i BKK-së, në të kaluarën e afërt zhvlerësoi Akademinë e arteve në Tiranë duke e quajtur komuniste). Gjithsesi Disa prej kolegëve të lartëpërmendur, pikërisht pse kan këtë diplomë janë punësuar në institucione kulturore apo arsimimore të Republikës së Kosovës, si p.sh. Dilaver Kryeziu – ish drejtor i ansamblit Shota, Haki Mulliqi profesor ne Universitetin e Arteve Prishtinë, Krenare Daka dhe Driton Saqipi- mësues të baletit në shkollen e muzikes në Prishtine, Luljeta Braha dhe Erza Xheladini- mësuese baleti në shkollën e baletit në Prizren. Perveq kesaj tash e 3 vite është akredituar fakulteti i Koreogeafisë pranë Kolegji AAB – Arkitekturë dhe Arte në të cilën pikërisht ne edukojmë brezat e ardhshëm te kërcimtarëve profesionist e gjithashtu Koreografëve!”, shtoi tutje ai.
Sipas tij ministri Çeku duhet të i kërkojë falje publike gjithë koreografëve për këtë deklaratë./teve1.info.
