Mesfushori Meriton Korenica është shpallur lojtari më i mirë i muajit shkurt te skuadra e Clujit.
Korenica ka dalë lojtari më i votuar nga shikuesit e Clujit, ekip që bën gara në Superligën e Rumanisë.
“Votat janë numëruar dhe ju keni vendosur për Meriton Korenicën. Urime Meriton, jemi krenar me ty”, shkruan në postimin e klubit rumun.
Sulmuesi 28-vjeçar në 28 ndeshje me fanellën e Clujit në elitën e futbollit rumun ka shënuar gjashtë gola dhe ka kontribuar me katër asistime.
Korenica është pjesë e Clujit prej vitit të shkuar kur iu bashkua nga Manisa e Turqisë dhe me ekipin rumun ka kontratë deri në verën e vitit 2026.
Cluji është një prej kandidatëve më serioz për ta fituar titullin e kampionit në Rumani, pasi zë vendin e tretë me 51 pikë, dy më pak se lideri.
