Mesfushori Meriton Korenica ka zënë vend në 11-shen më të mirë të javës në elitën e futbollit në Rumani.
Korenica është përzgjedhur në formacionin e xhiros së gjashtë nga faqja e specializuar “Sofascore”, falë paraqitjes së mirë që e pati në ndeshjen e fundit te Cluji.
Në xhiron e fundit, Cluji barazoi 3:3 në shtëpi kundër Botosanit kurse Korenica ishte ndër më të dalluarit dhe u vlerësua me notën 9.4.
Korenica luajti gjatë tërë ndeshjes ndaj Botosanit, ku asistoi në golin e dytë të Clujit dhe shënoi golin e tretë për ekipin e tij.
Për 28-vjeçarin, ky ishte goli dhe asistimi i parë këtë sezon në katër ndeshje të luajtura në kampionat.
Krahas Korenicës, te Cluji gol ndaj Botosanit shënoi edhe mesfushori tjetër i Kombëtares së Kosovës, Lindon Emërllahu.
