Policia e Kosovës ka njoftuar se në fshatin Shipol në Mitrovicë të Jugut, drejtoria për Hetimin e Krimit të Organizuar dhe Krimeve të Rënda të dielën ka arrestuar katër të dyshuar meshkuj kosovarë, të cilët ishin duke transportuar pesë shtetas të Jemenit.
Policia ka bërë të ditur se gjatë kontrollit të shtëpisë dhe automjeteve janë gjetur dhe sekuestruar 6 mijë e 280 euro dhe 7 mijë e 300 lek shqiptare,140 CHF zvicerane dhe 4 automjete, raporton teve1.info
„KONTRABANDIM ME MIGRANT Shipol, Mitrovicë Jugu 25.10.2023-NN. Drejtoria për Hetimin e Krimit të Organizuar dhe Krimeve të Rënda më 22.09.2024 kanë arrestuar katër të dyshuar meshkuj kosovarë, të cilët ishin duke transportuar pesë shtetas të Jemenit të cilët dyshohet se kishin qëllim t’i dërgonin drejt shteteve të BE-së. Gjatë kontrollit të shtëpisë dhe automjeteve janë gjetur dhe sekuestruar: 6280 €, 7300 lek shqiptare, 140 CHF zvicerane, dhe 4-automjete. Me vendimin e prokurorit të dyshuarit janë dërguar në mbajtje.“ – thuhet në raport.
