Profesori i kibernetikës, Blerim Rexha thotë për Tëvë1 se në këtë rast janë paraqitur persona të cilët nuk janë verifikuar.
Sipas tij, ka qenë dashur të bëhet verifikimi edhe i pajisjeve me të cilat kanë folur edhe komedianët rus.
“Rasti i tillë njihet si impersifikim kur dikush paraqitet në cilësi të një personi tjetër, këto janë sulme të njohura në fushën e sigurisë kibernetike. Për këtë arsyeje, në siguri kibernetike është një proces që quhet procesi i auntetikimit që ka të bëjë me verifikimin e partnerëve, pajisjeve para procesit të komunikimit. Nëse e shikojmë nga ky aspekt konsideroj se procesi i auntetikimit në këtë rast ka dështuar sepse palët të cilët kanë komunikuar nuk janë verifikuar, për pasojë kryeministri i Kosovës ka rënë në grackë kinse po fol më një person të impersifikuar” , thotë Rexha.
E se kjo intervistë mund të keqpërdoret, thonë edhe njohësit e sigurisë.
“Ata kanë qenë aktor rus, por kjo është dëshmi se mund të jenë edhe dikush tjetër, pastaj ai dikush tjetër mund të merr informacione por jo vetëm informacione, mjafton komprometimi. Ajo është keqpërdor është komprometua tregon seriozitetin që ka shteti në marrëdhëniet ndërkombëtare” , thotë Fadil Kajtazi.
Qeveria e Kosovës ka pranuar se kryeministri Kurti ka rënë pre e mashtrimit të komedianëve rusë, të cilët u paraqitën në emër të presidentit të Letonisë.
Siç bënë të ditur, intervista ishte realizuar më 11 shkurt, pak ditë pas zgjedhjeve në Kosovë.
