Por në konkluzionet e Institutit të Mjekësisë Ligjore të Zvicrës të publikuara nga Prokuroria Speciale, megjithatë nuk rekomandohet për shkak të kohës së gjatë të kaluar zhvarrosja e trupit.
“Trupi i të ndjerit përbën provën më të rëndësishme, por edhe provën e cila më së paku është përdorur. E vetmja mënyrë për të gjetur prova të mundshme do të ishte të riekzaminohet trupi pas një exhumimi (zhvarrosje). Megjithatë, duke pasur parasysh sa kohë ka kaluar dhe sa e rëndë është kjo masë, nuk e rekomandojmë”, thuhet në pikën e pestë të raportit, shkruan teve1.info.
Instituti thotë se nuk janë gjetur ADN të tjetërkujt përveç të Astrit Deharit në objektet që ishin në kontakt me të, e poashtu ’ka rekomanduar analiza plotësuese në fushën e gjenetikës, të daktiloskopisë dhe të toksikologjisë.
Të pesë konkluzionet:
1. Analizat e ADN të ndërmarra mbi objektet që kanë qenë në kontakt me viktimën në një moment të afërt me vdekjen (brisk roje, stilolaps i lidhur me një lidhëse këpucësh dhe një pjesë metali), nuk kanë treguar profil ADN tjetër përveçse atij të z.Astrit Deharit.
2. Ekzaminimi i fotografive të objekteve ka treguar se nuk është nxjerrë asnjë gjurmë të gishtave që ka mundur të përdoret. Gjithashtu ekzaminimi i objekteve fizike (shishja e plastikës #5, brisk roje #13, stilolapsi i lidhur për lidhësen e këpucës #14 dhe pjesa e metaltë #17) kanë treguar se tentativa të reja për të gjetur gjurmë të gishtave në këto objekte nuk ishin relevante.
3. Analizat toksikologjike plotësuese të gjakut periferik të Astrit Deharit kanë treguar praninë e një metabolitit të kafeinës dhe mosprani të etanolit.
4. Nuk rekomandojmë analiza plotësuese në fushën e gjenetikës, të daktiloskopisë dhe të toksikologjisë.
5. Trupi i të ndjerit përbën provën më të rëndësishme, por edhe provën e cila më së paku është përdorur. E vetmja mënyrë për të gjetur prova të mundshme do të ishte të riekzaminohet trupi pas një exhumimi (zhvarrosje). Megjithatë, duke pasur parasysh sa kohë ka kaluar dhe sa e rëndë është kjo masë, nuk e rekomandojmë.
Materiali i cili është vënë në dispozicion të QURML do të ruhet duke pritur udhëzime të reja nga Prokuroria.
