Konjufca ka thënë se ambasadori, Walker pa ju trembur syri i pati thënë Millosheviçit të vërtetën në sy për Masakrën e Reçakut, shkruan teve1.info
Tutje Konjufca theksoi se historia dhe udhëtimi i Walker-it, e veçanërisht dëshmia për Masakrën e Reçakut ishte kyç për në shtyrjen e NATO-s për të nisur fushatën e saj të bombardimeve kundër Jugosllavisë.
“Z. Walker, pa ju trembur syri i pati thënë Millosheviçit të vërtetën në sy dhe i transmetoi botës atë që pa e përjetoi, të vërtetën që ajo duhet ta dinte, në kohën kur Kosova po digjej flakë, e populli i pafajshëm vritej e masakrohej brutalisht ditë e natë. Historia e udhëtimit të tij, veçanërisht dëshmia për Masakrën e Raçakut ishte kyç në shtyrjen e NATO-s për të nisur fushatën e saj të bombardimeve kundër Jugosllavisë”, ka shkruar Konjufca.
“Sot e kujtuam një pjesë të së kaluarës, diskutuam edhe për të arriturat në vend dhe zhvillimet aktuale në vend, rajon e botë”, shtoi ai.
