Kryetari i Kuvendit të Kosovës, Glauk Konjufca, i ka uruar mësimdhënësit në ditën e tyre, raporton teve1.info
Përmes një statusi në Fcaebook, Konjufca i ka uruar suksese mësimdhënësve në misionin e tyre të cilin e ka quajtur të shenjtë.
“Sot është Dita e Mësuesit. Dita kur përkulemi me nderim dhe mirënjohje para forcës më përparimtare të shoqërisë sonë.
Mësuesit tanë, nga rilindasit e deri në ditët e sotme, nuk janë vetëm simbol i edukimit dhe arsimimit të brezave të tërë të kombit por edhe heronj e burim frymëzimi në rrugën e lirisë, dalzotës dhe vija e parë e qëndresës atdhetare përballë sfidave shekullore.
Vlera e mësuesit dhe pesha e qiellit nuk maten kurrë, thuhet për pishtarët e dijes.
Suksese në misionin tuaj të shenjtë dhe urime 7 Marsin!”, ka shkruar Konjufca.
