Sipas komunikatës së lëshuar nga Kuvendi, ata kanë diskutuar për progresin e reformave që lidhen me integrimin në BE, luftimin e korrupsionit e krimit të organizuar, krizën energjetike dhe bashkëpunimin rajonal.
“Kryetari Konjufca ritheksoi përkushtimin e Kuvendit të Republikës së Kosovës për zbatimin e obligimeve që dalin nga Marrëveshja e Stabilizim-Asociimit (MSA), si dhe përmbushjen e reformave të nevojshme për avancimin e agjendës së integrimit evropian.
Në takim morën pjesë edhe eurodeputetët Angel Dzhambazki, Ladislav Ilçiq, Lukas Mandl, Karlo Ressler, Thomas Waitz dhe Bogdan Rzonca”, thuhet në komunikatën e lëshuar nga Kuvendi.
