Kryetari i Kuvendit të Kosovës, Glauk Konjufca ka takuar anëtarët e Komisionit për Integrim Evropian të Kuvendit të Shqipërisë, kryesuar nga Kryetarja Jorida Tabaku.
Konjufca ka thënë se takimi ishte i përzemërt dhe ka falënderuar deputetët e Shqipërisë për mbështetje ndaj Kosovës.
Ai ka thënë se bashkë dhe të koordinuar do të ecin drejt BE-së e brenda NATO-s.
“Mirënjohës dhe falënderues ndaj deputetëve të Kuvendit të Shqipërisë për mbështetjen e deritashme dhe bashkërendimin e hapave në të ardhmen drejt integrimeve evropiane dhe evroatlantike, si dhe anëtarësimin e shtetit të Kosovës në organizatat ndërkombëtare. Të unifikuar dhe koordinuar në rrugëtimin tonë gjeostrategjik kombëtar drejt BE-së, brenda NATO-s dhe në miqësi të përhershme me SHBA-në”, ka shkruar Konjufca./teve1.info/
