Kryetari i Kuvendit, Glauk Konjufca ka pritur sot në takim ambasadorin Jorezident të Irlandës për Kosovën, Ragnar Almqvist.
Duke e falënderuar për vizitën e tij, Konjufca i shprehu mirënjohje ambasadorit për mbështetjen e Irlandës ndaj Kosovës.
Në këtë takim, bashkëbiseduesit diskutuan rreth aktualitetit në Kosovë e më gjerë, për marrëdhëniet mes dy shteteve dhe për nevojën e thellimit të mëtejshëm të bashkëpunimit mes vendeve.
“Kryetari Konjufca theksoi se Kosova mbetet e përkushtuar në rrugën e saj të integrimeve, të zhvillimit, forcimit të mëtejshëm të demokracisë dhe shtetit të së drejtës. Në këtë kuadër, kryekuvendari Konjufca nënvizoi se vazhdimi i mbështetjes së Irlandës për Kosovën vijon të jetë shumë i rëndësishëm dhe rikonfirmon partneritetin tonë që zhvillohet në bazë të vlerave dhe interesave të përbashkët”, thuhet në njoftimin e Kuvendit./teve1.info/
