Kryetari i Kuvendit, Glauk Konjufca, ka pritur në takim Raportuesen e Parlamentit Evropian për Kosoëvn, Viola von Cramon.
Drejtoria për Mediat e Kuvendit, ka njoftuar se Von Cramon dhe Konjufca, kanë diskutuar rreth proceseve aktuale politike në vend, përfshirë këtu edhe çështjet që lidhen me perspektivën evropiane të Kosovës, përcjell teve1.info.
“Kryetari Konjufca e njoftoi raportuesen von Cramon për angazhimet e institucioneve të Republikës së Kosovës në përmbushjen e obligimeve që lidhen me këtë proces, ndërsa shprehu kënaqësinë që tashmë edhe qytetarët e Kosovës gëzojnë të drejtën e lirisë së lëvizjes në Zonën Schengen”, thuhet në njoftimin e tyre.
Ndër të tjerash, bëhet e ditur se pjesë e diskutimit ka qenë edhe situata aktuale e sigurisë në vend e rajon si dhe integrimi evropian./teve1.info/.
