Kryetari i Kuvendit, Glauk Konjufca, ka pritur në takim ambasadorin e ri të Zvicrës në Kosovë, Jurg Sprecher.
Përmes një komunikate, thuhet se gjatë takimit u diskutua për marrëdhëniet e shkëlqyera dypalëshe dhe mundësitë e avancimit për bashkëpunim ndërmjet dy shteteve.
“Në takim, veç të tjerave, u bisedua për marrëdhëniet e shkëlqyeshme dypalëshe dhe mundësitë e avancimit të mëtejmë të bashkëpunimit ndërmjet dy shteteve tona. Konjufca uroi ambasadorin Sprecher për detyrën dhe i dëshiroi mirëseardhje. Njëherësh i shprehu mirënjohje për kontributin e shquar dhe mbështetjen e gjithanshme të Zvicrës ndaj Kosovës në të gjitha proceset e shtetndërtimit, zhvillimit, integrimit dhe anëtarësimit në organizata ndërkombëtare, si dhe nënvizoi rëndësinë që kjo mbështetje të vazhdojë edhe në të ardhmen”, thuhet në komunikatë.
Po ashtu, Sprecher ka vlerësuar partneritetin dhe raportet e ngushta dypalëshe.
Më tej, Konjufca dhe Sprecher ritheksuan gatishmërinë për thellimin e mëtejshëm të marrëdhënieve në fusha të ndryshme bashkëpunimi mes Republikës së Kosovës dhe Zvicrës./teve1.info/.
