Deputeti i Kuvendit të Kosovës, Glauk Konjufca ka deklaruar para fillimit të seancës për konstituimin e Kuvendit duke thënë se konstituimi i Kuvendit do të ndodhë sot.
Ai para mediave tha se Albin Kurti për herë të tretë do të jetë kryeministër i Kosovës.
Sipas Konjufcës, prej nesër do të fillon rrjedhja e kohës për krijimin e Qeverisë së Kosovës.
“Unë besoj që do të kemi qeveri, do ta kemi Albin Kurti për herë të tretë kryeministër i Kosovës së shpejti, kjo do të ndodhë pas konstituimit të Kuvendit, unë mendoj që prej nesër fillon rrjedhja e kohës për krijimin e Qeverisë së Kosovës sepse sot do të kemi kuvend të konstituuar”, deklaroi Konjufca./teve1.info/
