“Kemi thënë qëllimi është ta bëjmë të vetëm qeverinë. A është e mundshme kjo? Mua nuk po më duket e mundshme”.
Me anë të kësaj deklaratë, Kryetari i Kuvendit të Kosovës, Glauk Konjufca e pranon që Vetëvendosje nuk i ka numrat për formimin e Qeverisë.
Por, partia e Konjufcës thotë që tashmë ka një plan B.
Konjufca thotë që s’duhet të ketë hatër-mbetje prej shprehjeve që janë përdorur në fushatë.
Andaj, thekson që LDK duhet të marrë si privilegj ftesës që i dërgoi kreu i Vetëvendosjes për takim konsultativ.
“Është privilegjuese që është zgjedhur e para nga kryeministri i vendit Albin Kurti”.
Megjithatë Konjufca e bën të qartë që partia e tij, ka një kufi tek negociatat.
“Vetëvendosje është deri në atë pikë, por jo edhe atë pikë”.
Por duket që LDK ka një hatër mbetje me Vetëvendosjen.
Pasi, nënkryetarja e këtij subjekti politik, Doarsa Kica Xhelili thotë se mes LDK-së dhe VV-së është një mur i palëvizshëm.
Kica Xhelili nuk ka përgjigje as për ftesën e Kurtit ndaj Abdixhikut për takim.
Ftesë për takim si Lidhja Demokratike nuk morën Partia Demokratike dhe Aleanca për Ardhmërinë e Kosovës.
Nënkryetari i PDK-së, Uran Ismaili thotë se nuk e di arsyen pse nuk kanë ftesë nga VV-ja.
Ismaili thotë se vazhdojnë opsionet me partitë opozitare.
Të martën, kryetari i Kuvendit të Kosovës, i ka ftuar në takim të gjithë partitë politikë për të diskutuar rreth seancës konstituive të 15 prillit.
Në këtë takim përveç Listës Serbe të gjithë partitë e tjera morën pjesë.
