Kryetari i Kuvendit të Kosovës, Glauk Konjufca, ka pritur në takim studentë nga Universiteti Shtetëror i Floridës.
Në njoftimin e Kuvendit, thuhet se në kuadër të programeve ndërkombëtare të këtij universiteti, që tashmë për herë të parë përfshijnë edhe Republikën e Kosovës si vend në listën e partneritetit të universitetit, studentët nga Shtetet e Bashkuara të Amerikës kanë ardhë në Kosovë, për të njohur të shkuarën dhe aktualitetin nga spektri i të drejtave të njeriut.
Tutje, Konjufca në bisedë me studentët ka folur rreth historisë së Kosovës, shpalljen e pavarësisë dhe kulturën e vendit, si dhe çështjet aktuale dhe synimet e integrimeve ndërkombëtare.
Ai gjithashtu ka theksuar edhe kontributin e madh të ShBA-së në Kosovë dhe rëndësinë e saj.
Gjithashtu, Konjufca i ka falënderuar studentët për vizitën, duke iu uruar atyre suksese përbrenda këtij programi universitar./teve1.info/
