Kryetari i Kuvendit, Glauk Konjufca në 24 vjetorin e sulmeve ajrore të NATO-s kundër forcave ushtarake e policore të Serbisë, ka thënë se populli i Kosovës do të jetë përherë mirënjohës shteteve anëtare të NATO-s dhe KFOR-it për kontributin e tyre për lirinë, paqen dhe sigurinë e vendit.
Konjufca në Facebook tha se shteti i Kosovës i ndërtuar mbi themelet e UÇK-së, dhe ndihmës së NATO-s, është shtet demokratik, sovran dhe i pavarur.
Teksa theksoi se Kosova është e vendosur që me mbështetjen e aleatëve të avancojë proceset integruese të shtetit tonë.
“Jemi të vendosur që, me mbështetjen e miqve dhe aleatëve tanë të përhershëm, të avancojmë në proceset integruese dhe ta mbrojmë me çdo kusht pavarësinë, sovranitetin, integritetin territorial dhe rendin kushtetues në çdo pjesë të shtetit tonë. Populli ynë do t’u jetë përjetë mirënjohës shteteve anëtare të Aleancës së NATO-s dhe misionit ushtarak KFOR për gjithë çfarë kanë bërë dhe vazhdojnë të bëjnë për lirinë, paqen, stabilitetin dhe sigurinë e Republikës së Kosovës”, shkroi ai./teve1.info./