Kryetari i Kuvendit të Kosovës, Glauk Konjufca, ka kujtuar masakrat e 28 shkurtit të vitit 1998, ku ka thënë se në shenjë hakmarrjeje policia serbe vrau e masakroi mizorisht 24 shqiptarë të pafajshëm, duke përfshirë burra, gra shtatzëna, pleq e fëmijë .
Konjufca ka thënë se kjo masakër brutale shënon njëkohësisht edhe fillimin e vrasjes masive të shqiptarëve, spastrimin etnik dhe gjenocidin e shtetit të Serbisë në Kosovë, raporton teve1.info.
“Sot, në 25-vjetorin e rënies, nderuam kujtimin e martirëve: Rexhep Rexhepi, Beqir Rexhepi, Muhamet Gjeli, Naser Gjeli, Beqir Sejdiu, Nazmi Sejdiu, Bedri Sejdiu, Bekim Sejdiu, Ilir Nebihu, Rukie Nebihu, Xhemshir Nebihu, Ibish Rama, Ismail Behrami, Behram Fazliu, Ahmet Ahmeti, Gani Ahmeti, Hilmi Ahmeti, Hamzë Ahmeti, Driton Ahmeti, Naim Ahmeti, Lumni Ahmeti, Shemsi Ahmeti, Basri Ahmeti dhe Elhami Ahmeti”, ka shkruar kryetari në një postim në Facebook.
Mes tjerash, ai ka shkruar se sakrifica sublime e të rënëve në themelet e Republikës mbetet frymëzim i përhershëm për brezat dhe vlerë kombëtare e përgjithmonshme.
