Kryetari i Kuvendnit të Kosovës, Glauk Konjufca ka thënë lufta e familjes Jashari është e pashembullt dhe një rast i tillë nuk mund të gjendet as në historinë botërore.
Ai në seancën solemne të Kuvendit të Kosovës në shënim të 25-vjetorit të Epopesë së UÇK-së, tha se 5,6 e 7 marsi 1998 është ndër ngjarjet me të rëndësishme në historinë kombëtare.
“Lufta e familjes Jashari është ngjarje e pashembullt jo vetëm në historinë tonë, por një të ngjashme nuk e njeh as historia e botës. 5,6 e7 marsi është kthesa kur sakrifica bëhet epope”, tha ai.
Konjufca tha se lufta e Jasharajve dhe UÇK-së ishte kurorëzim i sakrificës qindra vjeçare për liri e pavarësi.
Ai në fjalimin e tij përmendi edhe heronjtë e gjallë të familjes Jashari. Konjufca përmendni Rifat Jasharin për të cilin tha se edhe pse humbi tërë familjen ishte ai që ngushëlloi të tjerët e ushtarët, duke thënë se Rifat Jashari e meriton epiteti e heroit të gjallë.
Ndërsa, për Besarta Jasharin tha se deshti Zoti që ajo të jetë gjallë dhe të jetë dëshmi e asaj çfarë ka ndodhur./teve1.info/
