Ai i shprehu mirëseardhje duke e uruar për detyrën e re ambasadoren Vakali.
Konjufca njëkohësisht e çmoi përkrahjen e Greqisë ndaj Kosovës, teksa shtoi se i vlerëson marrëdhëniet e mira mes shteteve tona.
Po ashtu, ai përmendi edhe rëndësinë e njohjes së pavarësisë së Kosovës nga Greqia, mbështetjen për proceset e integrimit evropian dhe euroatlantik, si dhe kërkoi përkrahjen për liberalizimin e vizave, anëtarësimin e Kosovës në Këshillin e Evropës dhe organizata tjera ndërkombëtare.
Gjatë takimit u shpreh edhe gatishmëria për forcimin e mëtejmë të marrëdhënieve ndërmjet Kosovës dhe Greqisë.
