Lajmin për ndërprerjen e kontratës së tij e kanë konfirmuar burime të teve1.info brenda Kuvendit.
Sipas burimeve, Konjufca ia ka ndërprerë kontratën Nikoliqit pasi i njëjti është arrestuar të enjten nën dyshimet për sulm fizik ndaj bashkëshortes së tij.
Rasti është konfirmuar nga Policia e Kosovës në raportin 24-orësh.
“Është arrestuar i dyshuari mashkull kosovar, pasi që në gjendje të dehur ka ushtruar dhunë ndaj viktimës femër kosovare. Viktima ka pranuar tretman mjekësor”, thuhet në njoftimin e policisë.
Ndalimin e të dyshuarit e ka konfirmuar për teve1.info edhe Hekuran Batusha, Bashkëpunëtor Profesional në Prokurorinë Themelore të Gjakovës.
“Me urdhër të Prokurorit të Shtetit është ndaluar një person për 48 orë, nën dyshimin se ka kryer veprën penale “Dhuna në Familje” nga neni 248 të Kodit Penal të Republikës së Kosovës.
Po ashtu Prokurori i Shtetit do të i ndërmerr të gjitha veprimet e nevojshme hetimore për ndriçimin e plotë të këtij rasti. Për shkak se jemi në fazë të hershme të veprimeve nuk mund të japim më shumë informata”, tha Batusha.
Para se të punësohej në Kabinetin e Kryeparlamentarit Glauk Konjufca, Gerolld Nikoliqi ka shërbyer si fotograf i Lëvizjes Vetëvendosje.