Kjo pasi sipas Konjufcës, Grupi Punues ka përfunduar punën, sa i përket amendamenteve në këtë Projektligj.
“Pas përfundimit të punës së Grupit Punues në Projektligjin për Byronë Shtetërore për Konfiskimin e Pasurisë së Pajustifikueshme, në koordinim me Ministren e Drejtësisë, dje i jam drejtuar sërish Komisionit të Venecias, me kërkesën për verifikimin e amendamenteve, nëse janë adresuar të gjitha rekomandimet e tyre lidhur me këtë Projektligj”, ka shkruar ai në një postim në Facebook.
Po ashtu, Konjufca ka falënderuar secilin anëtarë të Grupit Punues për përkushtimin dhe punën në këtë nismë.
“Falënderoj secilin anëtar të Grupit Punues për përkushtimin dhe punën në këtë nismë të rëndësishme, me qëllim të luftimit të krimit të organizuar dhe korrupsionit”, tha tutje ai. /Teve1.info/
