Kryekuvendari Glauk Konjufca, pas homazheve në Prekaz për nder të 27-vjetorit të Epopesë së UÇK-së, ka thënë se krijimi dhe esenca e UÇK-së mbështetet te familja Jashari.
Ai ka bërë homazhe bashkë me presidenten Vjosa Osmani, kryeministrin Albin Kurti dhe personalitete të tjera politike.
“Ata si familje e kanë pasur të mishëruar në zemrat dhe shpirtin e tyre një të vërtetë, që e ka shpëtuar popullin e Kosovës. E kjo e vërtetë është se liria nuk fitohet pa armë në dorë dhe nuk fitohet pa i dhënë dëshmorët e vet”, ka thënë Konjufca.
