Këtë e ka bërë të ditur përmes një postimi në rrjetin social Facebook.
Konjufca shtoi se kjo ditë e shënuar e shumë ditë të tjera si kjo, e kujtojnë çmimin e lartë që populli ynë pagoi për pavarësinë dhe lirinë e këtij vendi.
Postimi i plotë:
Më 28 shkurt 1998, në fshatrat Likoshan dhe Qirez, forcat vrastare serbe ekzekutuan dhe masakruan mizorisht 24 banorë të pafajshëm, në mesin e tyre gra, pleq, burra dhe të rinj të paarmatosur.
Me këtë akt barbar agresioni Serbia filloi fushatën masive të vrasjeve, masakrave, spastrimit etnik e gjenocidit në Kosovë.
Kjo ditë e shënuar dhe shumë të tjera si kjo na kujton gjithmonë çmimin e lartë që populli ynë e pagoi për lirinë dhe pavarësinë e Republikës. E po ashtu edhe obligimin tonë institucional që të sjellim drejtësi për të gjitha viktimat e gjenocidit serb.
I përjetshëm qoftë kujtimi për të gjithë të rënët në altarin e lirisë së Kosovës
