Policia e Kosovës ka konfiskuar një restorant në veri të vendit, i cili është në pronësi të organizatorit të sulmit në Banjskë, Millan Radoiçiq.
Kështu ka bërë të ditur për teve1.info zëvendësdrejtori për veriun e Kosovës, Veton Elshani.
Elshani ka njoftuar se njësitë policore janë duke vazhduar ende me konfiskimin.
Gjithashtu, ai ka thënë se është sekuestruar edhe një banesë në katin e gjashtë të ndërtesës së restorantit “Grey”.
“Agjencia ka filluar evidentimin e pasurive te përshkruara ne Urdhrit te lartcekur ndër to edhe Vila tek Ujmani në Zubin Potok me objekte përcjellëse, ne pajtim me Ligjin për Administrimin e Pasurisë se Sekuestruar dhe te Konfiskuar dhe Urdhrin e Gjykatës. Sot po konfiskohet edhe Restorant Grey dhe një banesë në katin e 6 të asaj ndërtese”, ka thënë Elshani.
Ndërkohë, me vendim të Ministrisë së Drejtësisë, organizatorit të sulmit në Banjskë i janë konfiskuar 31 mjete transportuese, të cilat i janë dhënë në përdorim Policisë së Kosovës.
Ndërkaq, ditë më parë ka nisur zbatimi i urdhrit ndalues me masë të përkohshme për pasurinë e paluajtshme për rastin Banjska./teve1.info/
Ministria e Drejtësisë ia konfiskon 31 mjete transportuese Milan Radojiçiqit
