Ministria e Shëndetësisë në bashkëpunim me Policinë e Kosovës, sot ka realizuar një aksion inspektues në subjektet të cilat operonin me produkte dhe pajisje medicinale në Mitrovicë të Veriut.
Në njoftim është bërë e ditur se këto subjekte ushtronin veprimtarinë e barnatores edhe pse ishin të pa licencuara sipas dispozitave ligjore, duke përfshirë këtu edhe një pikë karburanti.
Ndërkohë, në pikën e karburantit “WOL Group” në Leshak, janë konfiskuar produkte ilegale me banderolë të Serbisë.
Gjithashtu, është realizuar inspektim edhe në disa barnatore si: Barnatorja “Moja Apoteka” në Leshak, Barnatorja “Moja Apoteka” në Leposaviq dhe Barnatorja “Tilia”.
“Ato barnatore, iu është ndërpre veprimtarinë e tyre farmaceutike, dhe të njëjtit janë udhëzuar se si të arrijnë të licencojnë veprimtaritë e tyre sipas legjislacionit në fuqi në vend. Kurse në pikën e karburanteve i’u është ndaluar veprimtaria farmaceutike”, thuhet në njoftim./teve1.info/
