Në shikim të parë duket si njehsor i energjisë elektrike.
Por brenda saj u vendos kamerë e sigurisë nga strukturat paralele serbe për të vëzhguar gjithë zonën në magjistralen Mitrovicë-Leposaviq.
Afër kësaj gjendet edhe kompania elektroserver.
E njëjta është konfiskuar të hënën nga policia e Kosovës për çka, sipas zëvendësdrejtorit të policisë për rajonin e Mitrovicës së Veriut, Veton Elshani, e njëjta është përdorur në mënyrë të paautorizuar ku është hapur rast për këtë vepër penale.
Elshani tha se nuk ka persona të arrestuar për këtë rast.
“Dje në Leposaviq Policia ka larguar një kamerë e cila e monitoronte pjesën publike respektivisht magjistralen Mitrovicë-Leposaviq. Pas konsultimit me Prokuror sot është hap rast ‘incizim i paautorizuar’. Nuk ka persona të arrestuar, ndërsa kjo është kamera e tretë e maskuar e larguar që monitoronte vendet publike”, ka deklaruar ai.
Ngjashëm janë sekuestruar edhe në vitin 2024.
Policia e Kosovës konfiskoi kamera ilegale të kamufluara edhe në këtë pajisje ngrohëse për çka pati reaguar edhe ministri i Punëve të Brendshme, Xhelal Sveçla që sipas tij, këto kamera janë monitoruar nga BIA serbe.
Që nga vitit 2024 janë konfiskuar tri kamera të maskuara rreth 50 të tjera të vendosura në mënyrë të paautorizuar në katër komunat veriore.
