144 boksa cigaresh janë konfiskuar nga Dogana e Kosovës të dielën në Aeroportin e Prishtinës.
Sipas njoftimit malli është gjetur në bagazhin e një udhëtari gjatë kontrollit të realizuar përmes skanimit.
Malli thuhet se është ndaluar sipas procedurave si dhe rasti është duke u trajtuar si kundërvajtje doganore.
“Më datë 06.04.2025, rreth orës 10:30, në dalje të Aeroportit të Prishtinës, gjatë kontrollit doganor është ndaluar një udhëtar me fluturimin Prishtinë–Londër, shtetas shqiptar. Gjatë kontrollit të bagazheve të tij, të realizuar përmes skanimit dhe në prani të tij, është zbuluar mall i padeklaruar – konkretisht, sasi e konsiderueshme e cigareve me banderola të Shqipërisë dhe RKS-së, si më poshtë: Totali: 28,800 copë cigare (144 boksa). Malli është ndaluar sipas procedurave si dhe rastit eshte duke u trajtuar si kundërvajtje doganore, derisa mallrat jane konfiskuar”, thuhet në njoftim.
