Ministria e Bujqësisë ka njoftuar se është konfirmuar me anë të testit RT-PCR sëmundja e Influencës Aviare, tipi H5N1, në Shqipëri.
Për të marrë masa shtesë, Ministria e Bujqësisë ka vendosur në karantinë fermën e pulave në subjekti “Rea’s” shpk, me vendndodhje në fshati Maliq Muҫo, Njësia Administrative Rashbull.
Në këtë fermë janë raportuar raste të ngordhjes së shpendëve. Gazetarja e ABC News, Erblina Mile, raporton se autoritetet kanë bllokuar të gjithë lotin e vezëve dhe mishin në këtë fermë dhe nuk do lejohen që produkte të dalin në treg./abcnews.al
