Kondirolli ka thënë se nuk e kanë personale me asnjë profesorë, por sipas saj, thjesht duan ta përmirësojmë cilësinë e arsimit.
“Ne nuk e kemi personale me asnjërin. Nuk është hera e parë që ekspozojmë plagjiaturë, kemi paraqitur plagjiatura edhe në të kaluarën. Nuk është hera e parë dhe nuk do të jetë as e fundit. Nuk e kemi personale me asnjë profesorë por thjesht jemi duke dashur që të përmirësojmë cilësinë e arsimit përmes ekspozimit të së keqes në Universitet dhe largimit të saj”, tha ajo në emisionin “Ditari” në Tëvë1.
Kujtojmë se sot organizata për Rritjen e Cilësisë në Arsim (ORCA), ka dorëzuar një ankesë në Senatin e Universitetit të Prishtinës.
Kjo erdhi pas vendimit të Këshillit të Etikës më 16 qershor rreth dyshimit për plagjiaturë të profesorëve Bujar Dugolli dhe Ardian Kastrati.
Ata përveç që kanë kërkuar përjashtimin e tyre nga Universiteti i Prishtinës, ORCA po kërkon që të dy profesorëve t’u hiqet edhe titulli akademik. /teve1.info/