Asociacioni i Komunave të Kosovës ka bërë kërkesë ndaj Kuvendit të Kosovës, që të mundësojnë faljen e nga 100 eurove të tatimit në pronë për qytetarët.
Projektligji ka kaluar në Komisionin Parlamentar për Buxhet dhe Financa të Kuvendit të Kosovës.
Në njoftimin e AKK-së thuhet se as si Komunë e as si Asociacion nuk janë konsultuar për propozimin dhe as për ndikimet që do t’i ketë ky Ligj në buxhetet komunale dhe realizimin e projekteve të tyre kapitale, shkruan teve1.info.
Në njoftimin e tyre thuhet që nga analizat kanë konkluduar se nga një veprim i tillë komunat mund t’i kenë për 40 për qind më të ulëta të hyrat vetane për vitin 2023 sesa që është paraparë nga prokecionet buxhetore.
“Duke ditur këto, Bordi i Asociacionit të Komunave të Kosovës kërkon nga Ju që me Projektligjin për Tatimin në pronë, krahas faljes se 100 eurove të vendoset që rimbursimin e kësaj shume ta mbuloj niveli qendror në mënyrë që të mos varfërohen Komunat e Kosovës dhe të mos ketë ndikimin në realizimin e projekteve kapitale të parapara me buxhetet komunale të këtij viti”, thuhet në njoftim.
Përfund, Bordi i Asociacionit të Komunave të Kosovës ka kërkuar që me Projektligjin për Tatimin në pronë, krahas faljes së 100 eurove, të vendoset rimbursimi i kësaj shume ta mbuloj niveli qendror, që sipas tyre të mos varfërohen Komunat e Kosovës dhe të mos ketë ndikim në realizimin e projekteve kapitale të parapara me buxhetet komunale të këtij viti. /teve1.info/
