Po bëhen gati për inspektim në nivel komunal.
Këta inspektorë së bashku me kryetarin e Zveçanit, Ilir Peci kanë filluar inspektimin e disa objekteve të ndërtuara në kundërshtim me ligjin dhe që janë pronë e komunës.
Kryetari Peci, thotë se përveç pronave, inspektime po bëhen edhe në biznese.
“ Deri më tani mirë, ditën e parë kanë vazhduar në tri lokale ku përfshihen një lokal ushqimor edhe dy lokale kateteri. 01:03 Edhe inspektorët e punës disa objekte të cilat dyshohet se janë pa leje të ndërtuara mirëpo do të dalin dhe do t’i verifikojnë”, thotë Peci.
I pari i Zveçanit thekson se pas mbylljes së strukturave paralele serbe në veri, ka rënë ndikimi i Listës Serbe dhe se qytetarët po kryejnë shërbime sipas ligjeve të Kosovës.
“ Pas mbylljes së objekteve paralele, do të thotë është një përmirësim shumë më i dukshëm, shumë interesim i madh i qytetarëve që do të thotë nuk po e shohin veten në atë pjesë duke marrë parasysh, për çdo ditë po i ndërprehen dhe janë kthyer shumë. Për neve si komunë ka dalë goxha punë por për shtet është pozitive, shprehet kryetari i komunës.
E kryekomunari telashe ka me buxhetin, për çka tha se javë më parë i janë tërhequr nga Qeveria, 60 mijë euro.
“ Ne i kemi njoftuar gjithmonë qeverinë do të thotë se po e kemi këtë problem, mirëpo asnjëherë nuk kemi marrë asnjë premtim asnjë përgjigje pozitive as negative nga Qeveria, do të thotë në javën e kaluar na u janë tërhequr afër afër 60 mijë euro. Neve po na dëmtojnë se është një buxhet shumë i vogël”, thotë ai.
Televizioni ka tentuar të marrë një qëndrim për këtë nga qeveria por të njëjtit nuk kanë kthyer përgjigje.
Ndërsa, Peci konfirmoi se do ti futet sërish garës për kryetar komune.
