Komuna e Prishtinës u ka bërë thirrje të gjithë qytetarëve sidomos, të moshuarit, personat me sëmundje kronike, fëmijët nën moshën pesë vjeçare, dhe gratë shtatzëna që të vaksinohen kundër gripit sezonal.
Përmes një postimi në Facebook komuna, ka bërë të ditur se aktualisht janë 6.700 doza të vaksinës të furnizuara në katërmbëdhjetë Qendra të Mjekësisë Familjare në kryeqytet.
“Ju njoftojmë se 14 Qendra të Mjekësisë Familjare në Kryeqytet janë furnizuar me vaksinën kundër gripit sezonal, dhe ju mund të vaksinoheni çdo ditë pune. Në administrim Kryeqyteti aktualisht ka 6.700 doza të kësaj vaksine. Të dashur qytetarë, ju ftojmë që të vaksinoheni sidomos, të moshuarit ,personat me sëmundje kronike,fëmijët nën moshën pesë vjeçare, gratë shtatzëna” , thuhet në njoftim.
