Sipas njoftimit thuhet se ky testim do të bëhet gjatë ditës së premte, shtunë dhe ditës së diel.
Qarkorja njëkahëshe gjatë këtyre ditëve do të jetë funksionale në drejtim të rrugëve:
Rruga ‘Agim Ramadani’ që nga semaforët pranë ish-menzës së Studentëve e deri te rreth-rrotullimi prapa ndërtesës së Komunë,
Rruga ‘UÇK’ nga Parlamenti e deri te ish-Kino Rinia,
Rruga ‘Migjeni’ deri te ndërtesa e ish-OSBE,
Rruga ‘Luan Haradinaj’ deri te semaforët pranë Bankës Qendrore,
Rruga ‘Ukshin Hoti’, dhe
Rruga ‘Robert Dolli’.
Tutje thuhet se qarkullimi për transportin publik në rrugët e mbyllura do të duhet të bëhet me shpejtësi minimale të lëvizjes.
“Rrugët e poshtë cekura do të jenë të mbyllura për automjete, me përjashtim të transportit publik, i cili do të qarkulloj në këtë pjesë me shpejtësi minimale të lëvizjes. Rruga ‘George Bush’ deri tek semaforët pranë Katedrales dhe rruga ‘Garibardi’ deri tek semaforët pranë rrugës ‘Dritan Hoxha’”, thuhet në njoftim.
I gjithë procesi do të ndodhë në bashkëpunim të ngushtë me Policinë e Kosovës.
Bëhet e ditur se qëllimi kryesor i gjithë procesit është zgjidhja afatgjate e lirimit të hapësirave të lëvizjes për këmbësorë sipas rekomandimeve të task forcës rrugore, si dhe lirimi i mbingarkesës së trafikut rrugor.
