Lidhur me këtë, në një përgjigje për teve1.info, Komuna e Prishtinës ka njoftuar se kjo hapësirë nuk do të shfrytëzohet si parking.
Sipas tyre, ajo pjesë do të punohet duke mbjellur lule të ndryshme.
“Drejtoria e Inspekcionit po vazhdon të merret me këtë çështje edhe në ditët e sotme. Si Drejtori në bashkëpunim edhe me Drejtorinë e Parqeve dhe Ndërmarrjen “Hortikultura” jemi duke e punuar atë zonë duke mbjellë fidane edhe lule të ndryshme në atë formë që nuk do të mund të shfrytëzohet si parking në asnjë formë në të ardhmen”, thuhet në përgjigjen e Komunës.
Dje, Teve1.info ka raportuar se si qytetarë të shumtë kanë filluar të parkojnë veturat e tyre te ish-këndi i lojërave të fëmijëve “Luna Park”, i cili ishte jofunksional tash e disa vite, e që i njëjti që nga 7 marsi është hequr nga Drejtoria e Inspekcionit.
Komuna e Prishtinës, edhe në vitin 2015 kishte marrë vendim për largimin e lojërave te “Luna Park”, por që ishte pezulluar me urdhër të Prokurorisë, pasi ende nuk dihej pronësia e vërtetë e tyre. /Teve1.info/
https://teve1.info/lajmet/u-hoqen-lojerat-te-luna-park-ne-prishtine-qytetaret-tani-e-shfrytezojne-si-parking/
