Rruga “Fehmi Agani”, do të mbyllet për qarkullim deri më datë 31 gusht, çdo natë nga ora 21:00 deri në orën 02:00.
Sipas njoftimit, vendimi është marrë nga Komuna e Prishtinës në koordinim me Policinë e Kosovës, pas kërkesave të shumta të qytetarëve.
Nga ndalimi përjashtohen banorët e lagjes, mjetet motorike me rëndësi të veçantë si dhe mjetet për intervenime nga institucionet kompetente si Policia, Inspektorati apo automjetet emergjente.
“Pas koordinimit me Kosovo Police dhe duke marrë parasysh kërkesat e shumta nga qytetarët, njoftojmë se rruga “Fehmi Agani” (nga kryqëzimi me rrugën “Migjeni” deri te kryqëzimi me rrugën “UÇK”) do të mbyllet për qarkullim deri më datë 31.08.2024, çdo natë nga ora 21:00 deri në orën 02:00.
Përjashtohen nga ndalimi:
• Mjetet motorike me rëndësi të veçantë
• Mjetet për intervenime nga institucionet kompetente (Policia, Inspektorati, automjetet emergjente)
• Banorët e lagjes“, thuhet në njoftimin e Komunës.
Detajet i gjeni në vendimin e publikuar.
