Këtë masë të reciprocitetit nuk po e zbatojnë as shoferët e automjeteve në qendrën e Mitrovicës së Veriut.
Përveç këtyre që janë në lëvizje, ka edhe prej tyre që janë të parkuar me orë të tëra.
Gjatë qëndrimit të ekipit të Tëvë1 në këto anë, nuk ka pasë zyrtarë policorë që kanë qenë duke monitoruar zbatimin e kësaj marrëveshje.
Në anën tjetër, kjo marrëveshje po zbatohet nga qytetarët serb në Komunën e Ranillugut.
Përveç Ranillugut marrëveshja po zbatohet edhe në Komunën e Gracanicës.
Në anën tjetër, Policia e Kosovës nuk ka dhënë shifra të sakta se sa qytetarë janë dënuar si rrjedhojë e moszbatimit të kësaj mase.
Sipas tyre, këto dënime janë të përfshira në kuadër të të gjitha tiketave të trafikut që shqiptohen në baza ditore.
“Policia e Kosovës, sipas detyrës zyrtare dhe autorizimeve ligjore e kushtetuese realizon detyrat dhe përgjegjësitë ligjore në interes të ruajtjes së rendit dhe sigurisë publike, në zbatim të ligjit, në ofrimin e sigurisë, ruajtjes së rendit si dhe garantimin e lëvizjes së lirë në nivel vendi. Po ashtu kurdo që paraqitet nevoja Policia e Kosovës asiston edhe institucionet kompetente”, thuhet në përgjigjen e Policisë së Kosovës.
Për më shumë se dy javë, Tëvë1 ka kërkuar përgjigje për këtë çështje nga Zyra e Kryeministrit dhe Ministria e Punëve të Brendshme, mirëpo të njëjtit nuk kanë dhënë përgjigje.
Kronika e realizuar nga gazetarja Fetije Kamberi.
