Kompania “Pastrimi” ka njoftuar se nga dita e enjte ka nisur aksionin për largimin e mbeturinave inerte dhe të vëllimshme në kryeqytet, afër pikave te të gjithë kontejnerëve, në përputhje me planifikimet e kompanisë.
Përmes një postimi në Facebook, kompania ka njoftuar se ky aksion është duke u bërë si rezultat i gjendjes në teren, teksa kanë theksuar se janë të përkushtuar në përmirësimin e kësaj situate.
“Kompania “Pastrimi”, Sh.A Njësia Operuese në Prishtinë, njofton se që nga data 11.04.2024 ka nisur aksionin për largimin e mbeturinave inerte dhe të vëllimshme në qytet, konkretisht afër pikave te të gjithë kontejnerëve, në përputhje me planifikimet tona. Ky aksion është duke u bërë si rezultat i gjendjes në teren, dhe do të mundësojë që aktualisht gjendja me mbeturinat inerte dhe të vëllimshme të jetë nën kontroll, pasi që jemi të përkushtuar në përmirësimin e kësaj situate problematike për qytetin dhe kompaninë tonë”, thuhet në postimin e tyre.
Po ashtu, Kompania “Pastrimi”, ka ftuar qytetarët për mbështetje dhe bashkëpunim për marrjen e masave të nevojshme për të siguruar që ky aksion të realizohet me sukses./teve1.info/.
