Komisioni parlamentar për Mbikëqyrjen e Agjencisë së Kosovës për Inteligjencë (AKI), e ka ftuar në raportim drejtorin e këtij institucioni, Petrit Ajetin, raporton teve1.info
Lajmin e bëri të ditur kryetarja e Komisionit, Ganimete Musliu, e cila tha se ky raportim pritet të ndodh javën e ardhshme.
“Komisioni kërkoi takim me drejtorin e AKI-së për sot një javë për të na njoftuar rreth tentim-atentatit ndaj kryeministrit Albin Kurti. Ne jemi munduar vazhdimisht kur janë çështjet e sigurisë ndërkombëtare ta ruajmë informacionin dhe mos ta shfrytëzojmë këtë informacion, për ta ruajtur në maksimum sigurinë e vendit dhe këtë e kërkoj nga çdo deputet, para qytetarëve të Republikës së Kosovës”, u shpreh ajo.
