Komandanti i misionit të NATO-s në Kosovë, KFOR, Enrico Barduani të martën në Beograd është takuar me shefin e stafit të përgjithshëm të forcave të armatosura të Serbisë, Millan Mojsilloviq.
Sipas KFOR-it gjatë takimit Barduani dhe Mojsilloviq kanë shkëmbyer mendime mbi situatën e sigurisë, si dhe kanë vlerësuar përpjekjet e tyre përkatëse.
“Ne kemi një bashkëpunim të gjatë me Forcat e Armatosura të Serbisë dhe jam plotësisht i angazhuar për ta ndërtuar mbi këtë gjatë gjithë mandatit tim, vazhdimi i bashkëpunimit, dialogut dhe ndarjes së informacionit janë të dobishme për të dyja palët dhe janë thelbësore për stabilitetin rajonal”, ka theksuar komandanti i KFOR-it.
Tutje thuhet se se Barduani gjatë vizitës po ashtu është takuar edhe me përfaqësuesit diplomatikë të Francës, Gjermanisë, Italisë, Britanisë së Madhe, SHBA-së dhe Bashkimit Evropian në Serbi, ku ndër të tjera sipas njoftimit ai i ka informuar ata mbi aktivitetet e KFOR-it.
“Gjeneral Major Barduani gjithashtu u takua me përfaqësuesit diplomatikë të Francës, Pierre Cochard, Gjermanisë, Carsten Meyer-Ëiefhousen , Italisë, Luca Gori, Mbretërisë së Bashkuar, Edëard Ferguson dhe Shteteve të Bashkuara të Amerikës, Alexander Titolo në Serbi gjatë një takimi të Grupit QUINT, në të cilin mori pjesë edhe Kreu i Delegacionit të BE-së në Serbi, ambasadori, Emanuele Giaufret. Ai i informoi ata mbi aktivitetet e KFOR-it dhe mbi bashkëpunimin e palëkundur të misionit me Komunitetin Ndërkombëtar, duke përfshirë mbështetje të vazhdueshme për dialogun të lehtësuar nga BE-ja për normalizimin e marrëdhënieve midis Beogradit dhe Prishtinës”, theksohet në njoftim.
Në njoftim bëhet e ditur edhe se këto takime ishin pjesë e ndërveprimeve të rregullta të komandantit të KFOR-it me homologët e tij kryesorë në rajonin e Ballkanit Perëndimor.
Ky takim i komandantit të KFOR-it me shefin e ushtrisë serbe në Beograd ka ardhur rreth pesë muaj pas takimit të fundit që ata kanë zhvilluar në tetor të vitit 2024./teve1.info/
