Komandanti i Gardës Kombëtare të Iowa-s, gjeneral brigade Stephan Osborn, ka vizituar sot zonën e trajnimit të Forcës së Sigurisë së Kosovës në Babaj të Bokës.
Në faqen zyrtare të FSK-së, bëhet e ditur se aty është duke u realizuar regjimenti i parë i Forcave Tokësore, ushtrimi fushor “Iron Wolf”.
“Në kuadër të vizitës së komandantit të Gardës Kombëtare të Ioëa-s në Kosovë, gjeneralbrigade Stephan Osborn së bashku me gjenerallejtënant Bashkim Jashari sot kanë vizituar zonën e trajnimit në Babaj të Bokës, ku Regjimenti i parë i Forcave Tokësore është duke realizuar ushtrimin fushor “Iron Ëolf”. Gjeneralët përcollën nga afër skenarët e manovrës luftarake të ekzekutuara nga Regjimenti i parë, dhe ndër të tjera diskutuan për planet e investimit të FSK-së në zonën e trajnimit dhe poligonet e planifikuara në këtë zonë”, thuhet në postimin e tyre.
Me këtë rast Komandanti i FSK-së ka falënderuar Gardën e Iowa’s për bashkëpunimin me FSK-në, dhe ushtrinë amerikane për mbështetjen me fonde për të investuar në këtë zonë me interes të veçantë për ushtrinë e Kosovës.
“Kjo zonë do të mund të shfrytëzohet edhe nga vendet partnere dhe të rajonit për të krijuar mundësi të shkëmbimit të përvojave dhe ndërveprueshmërisë”, thuhet tutje në postim./teve1.info/.