Melos Kolshi nga Instituti i Kosovës për Drejtësi (IKD) ka thënë se legjislatura e tetë e Kuvendit të Kosovës shquhet për numrin më të madh të shkeljeve kushtetuese.
Sipas Kolshit qeveria e drejtuar nga Lëvizja Vetëvendosje ka vendosur një precedent negativ duke mbajtur rekordin për numrin më të madh të ligjeve që janë shpallur si jo kushtetuese nga Gjykata Kushetetuese.
“Megjithëse rëndësia e kushtetutës është e padiskutueshme ajo është cenuar në mënyrë të përsëritur sidomos gjatë legjislaturës së tetë të Kuvendit të Kosovës e cila mund të themi që shquhet për numrin më të madh të shkeljeve kushtetuese. Qeveria e drejtuar nga Lëvizja Vetëvendosje ka vendosur një precedent negativ duke mbajtur rekordin për numrin më të madh të ligjeve që janë shpallur si jo kushtetuese nga Gjykata Kushetetuese. Në disa raste Gjykata Kushtetuese gjatë kësaj legjislature ka anuluar tërësisht ligje dhe vendime që binin në kundërshtim me Kushtetutën ndërsa në disa raste të tjera ka konstatuar mospërputhje vetëm në disa dispozita të tyre”, ka thënë ai në emisionin “Ditari” në Tëvë1.
Ai ka shtuar se Kushtetuta vazhdoi të mos respktohet nga Kuvendi i Kosovës edhe sot në në përvjetorin e 17-të të këtij akti themelor.
“Edhe sot në përvjetorin e 17-të të këtij akti themelor Kuvendi i Kosovës vazhdon të mos e respektojë kushtetutën duke e injoruar e shpërfillur aktgjykimin e Gjykatës Kushtetuese për ligjin për paga në sektorin publik edhe pse kjo gjykatë ka caktuar afatin deri me 1 gusht për harmonizimin e ligjit me komentet e saj ky afat vazhdonte të shkelet dhe duke u neglizhuar dhe dëshmuar një mosrespektim të hapur ndaj vendimeve të Gjykatës Kushtetuese e që rrjedhimisht na dërgojnë deri tek mosrespektimi i vetë rendit kushtetues në Kosovë”, ka shtuar ai./teve1.info/
